آئی ایل ٹی 20 سیزن 4 کا شاندار آغاز، علی ظفر نے دبئی انٹرنیشنل اسٹیڈیم میں جادو جگایا

دبئی، دبئی انٹرنیشنل اسٹیڈیم میں ڈی پی ورلڈ آئی ایل ٹی 20 سیزن 4 کی شاندار افتتاحی تقریب منعقد ہوئی، جو 54ویں یو اے ای نیشنل ڈے کے جشن کے ساتھ منسلک تھی۔ شائقین نے مشہور رنگ آف فائر میں بھرپور انداز میں شرکت کی، جہاں معروف پاکستانی گلوکار علی ظفر نے پرجوش پرفارمنس کے ذریعے فینز کا دل جیت لیا اور خطے کی سب سے بڑی ٹی 20 لیگ کے نئے سیزن کا آغاز کیا۔افتتاحی تقریب کا آغاز متحدہ عرب امارات کے قومی ترانے سے ہوا، جسے اماراتی گلوکار احمد الحوسانی نے پیش کیا، جس نے تقریب کے لیے فخر اور جوش کا ماحول پیدا کیا۔علی ظفر نے اپنے معروف گانوں اور فینز کی پسندیدہ پرفارمنس کے ذریعے شائقین کو محظوظ کیا، جس کے بعد قومی دن کی تھیم پر مبنی شاندار آتشبازی نے اسٹیڈیم کو روشن کر دیا۔تقریب کے بعد توجہ سیزن کے پہلے میچ کی جانب مرکوز ہوئی، جہاں گزشتہ سیزن کے چیمپیئن دبئی کیپیٹلز نے فائنلسٹ ڈیزرٹ وائیپرز کے خلاف کھیل کا آغاز کیا۔ دنیا بھر کے شائقین ڈی پی ورلڈ آئی ایل ٹی 20 سیزن 4 کو براہِ راست مختلف براڈکاسٹ اور ڈیجیٹل پلیٹ فارمز پر دیکھ سکتے ہیں۔ پاکستان میں شائقین اس کو پی ٹی وی اسپورٹس، جیو سپر (ٹی وی) اور ڈیجیٹل پلیٹ فارمز تماشا، مائیکو اور ٹاپ میڈ پر دیکھ سکتے ہیں۔شائقین ڈی پی ورلڈ آئی ایل ٹی 20 سیزن 4 کے لیے ٹکٹیں وِرجن میگا اسٹور کے آن لائن پلیٹ فارم سے حاصل کر سکتے ہیں: tickets.ilt20.ae